معاون خصوصی برائے اطلاعات ڈاکٹر فردوس عاشق نے کہا ہے کہ مولانا فضل الرحمان جو پی ڈی ایم کی چھت سر پر لیکر نکلے تھے وہ زمین بوس ہو گئی ہے۔

لاہور میں تاجر برادری کی تقریب کے بعد میڈیا سے گفتگو میں ان کا کہنا تھا کہ سینیٹ کے شفاف الیکشن کیلئے شو آف ہینڈ کا جہاد جاری ہے، جو اس جہاد کو روکے گا وہ عوام میں بےنقاب ہو گا۔

ان کا مزید کہنا تھاکہ داود سلیمانی کا سافٹ وئیر اپڈیٹ ہو چکا ہے، وہ جلد وزیراعلی سے بغل گیر ہو رہے ہوں گے۔

وہ شریف خاندان پر تنقید کے نشتر چلاتے ہوئے بولیں کہ سرٹیفائیڈ چور کاروباری حضرات کاچہرہ استعمال کر کے اپنے اکاونٹ بھرتے رہے۔