چیئرمین پاک سرزمین پارٹی مصطفیٰ کمال نے کہا ہے کہ ایک کروڑ نوکریاں دینے کا دعویٰ کرنے والے سے نئی نوکریوں کی بات نہیں کرتے ہیں لیکن برسرروزگار لوگوں سے نوکریاں چھینے کو برداشت نہیں کریں گے۔

اسٹیل ملزسےجبری برطرف کئےگئےملازمین کے احتجاجی کیمپ کا دورہ کرنے کے بعد میڈیاسےگفتگو کرتے ہوئے مصطفٰی کمال نے کہا حکومت کو یہ اختیار نہیں کہ ادارہ کما نہیں رہااس لئےملازمین کو نکالیں۔اپنی ناکام منیجمنٹ کا نزلہ غریب مزدوروں پر گِرانا جائزنہیں۔ عمران خان تو ایک کروڑ نوکریوں کا وعدہ کر کے اقتدار میں آئے ہیں، اب لوگوں کو بے روزگار کررہے ہیں۔

مصطفیٰ کمال نے جبری برطرف ملازمین سے اظہار یکجہتی کرتے ہوئے مطالبہ کیا کہ ملازمین کو ملازمتوں پر فوری بحال کیا جائے۔