آکلینڈ: قومی ٹیم کے مایہ ناز آل راؤنڈر شاداب خان مکمل فٹ ہوگئے، نیوزی لینڈ کیخلاف ٹی ٹوئنٹی سیریز میں قومی ٹیم کی قیادت کریں گے۔

تفصیلات کے مطابق پاکستان کرکٹ ٹیم نے آکلینڈ میں بھرپور پریکٹس سیشن کیا، شاداب خان مکمل فٹ ہوگئے، نیوزی لینڈ کیخلاف ٹی ٹوئنٹی سیریز میں قومی ٹیم کی قیادت کریں گے۔

دوسری جانب آل راؤنڈر عماد وسیم کہتے ہیں ٹی ٹوئنٹی سیریز نئے کھلاڑیوں کیلئے صلاحیتوں کے اظہار کا بہترین موقع ہے۔

قومی ٹی ٹوئنٹی اسکواڈ کا آکلینڈ میں پہلا پریکٹس سیشن، ایڈن پارک میں کھلاڑیوں نے فزیکل ٹریننگ اور فیلڈنگ ڈرلز کیں۔ اس کے علاوہ نیٹس پر بیٹنگ اور بولنگ کی پریکٹس بھی کی۔

کپتان شاداب خان نے بھی پریکٹس میں حصہ لیا، ٹیم منیجمنٹ شاداب کی فٹنس سے مطمئن ہے۔ آل راؤنڈر عماد وسیم کہتے ہیں کہ سیریز کے دوران تماشائیوں کی موجودگی میں لطف اندوز ہوں گے۔

واضح رہے کہ پاکستان اور نیوزی لینڈ کے درمیان 3 میچز پر مشتمل سیریز کا پہلا ٹی ٹوئنٹی جمعہ کو آکلینڈ میں کھیلا جائے گا۔