سانحہ آرمی پبلک اسکول ڈے پر وزیرخارجہ شاہ محمود قریشی نے خراج عقیدت پیش کرتے ہوئے کہا کہ معصوم پھولوں کی عظیم اور لازوال قربانی نے پوری قوم کو یکجا اور متحد کیا، ان کی قربانیاں رنگ لائیں گی، دہشت گردی کے اس عفریت کو جڑ سے اکھاڑ کر دم لیں گے۔

شاہ محمود قریشی نے کہا کہ ملکی تاریخ کا اندوہناک اور دلخراش سانحہ ہے جس کا غم آج بھی تازہ ہے، پوری قوم دہشت گردی کے خلاف جنگ میں سیسہ پلائی دیوار کی طرح مسلح افواج کے ساتھ شانہ بشانہ کھڑی ہے۔