پاکستان تحریک انصاف چیئرمین عمران خان اسلام آباد کی انسداد دہشتگردی کی عدالت میں حاضرہوئے۔

عمران خان کے عدالت پہنچتے ہی بد مزگی دیکھنے میں آئی اوراس دوران دھکم پیل ہوئی جس کی وجہ سے واک تھرو گیٹ ٹوٹ گیا۔

ویڈیومیں دیکھا جاسکتا ہے کہ پی ٹی آئی رہنما شبلی فراز دھکوں کی زد میں سب سے زیادہ آئے، جنہیں دھکیل کرآگے پہنچایا گیا، جس کے بعد واک تھرو گیٹ بھی گرگیا۔

عدالت کے ایس او پیز کے تحت عمران خان کی گاڑی کو جوڈیشل کمپلیکس میں آنے کی اجازت نہیں ملی، تو وہ پیدل چل کر کمرہ عدالت تک گئے۔

واضح رہے کہ عمران خان پرالزام ہے کہ انہوں نے اسلام آباد میں ریلی سے خطاب کے دوران نفرت انگیز تقریر کے ذریعے عوام کو بغاوت پراکسایا تھا۔