Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

طالبان قیادت نے اقوام متحدہ میں سہیل شاہین کو اپنا سفیر نامزد کرنے کیلئے عالمی ادارے کو خط لکھا ہے۔ خیال رہے کہ سہیل شاہین طالبان کے ترجمان کی حیثیت میں کافی عرصہ سے اپنی ذمہ داریاں ادا کر رہے ہیں۔

غیر ملکی خبر رساں ادارے رائٹرز کے مطابق اس سلسلے میں طالبان کے وزیر خارجہ عامر خان متقی کی جانب سے یو این سیکرٹری جنرل انتونیو گوتریس کو خط لکھ کر سہیل شاہین کی بطور سفیر نامزدگی کی درخواست کی گئی ہے۔

اس خط کی تصدیق اقوام متحدہ کے ترجمان فرحان حق نے کی ہے۔ خیال رہے کہ افغانستان میں اشرف غنی حکومت کے خاتمے سے قبل غلام اچکزئی اقوام متحدہ میں سفارتکاری کی ذمہ داریاں نبھا رہے تھے۔

اقوام متحدہ کے ترجمان کا کہنا تھا کہ طالبان کی جانب سے خط کے ذریعے کی گئی درخواست کو کمیٹی کے اراکین جن میں امریکا، چین اور روس سمیت 9 ارکان شامل ہیں، کے پاس بھجوا دیا گیا ہے۔ اس معاملے پر کمیٹی کا اجلاس جلد متوقع ہے۔ ان کا کہنا تھا کہ یہ کہنا قبل از وقت ہے کہ طالبان وزیر خارجہ عالمی رہنماؤں سے خطاب کریں گے یا نہیں۔

غیر ملکی میڈیا کا کہنا ہے کہ اقوام متحدہ کی جانب سے اگر طالبان کے سفارتکار کے بارے میں درخواست کو منظور کر لیا جاتا ہے تو یہ عالمی سطح پر سخت گیر اسلامی گروپ کو تسلیم کرنے کی جانب پہلا قدم ہوگا۔ اس سے ناصرف دنیا سے طالبان کا رشتہ استوار ہوگا بلکہ بھاری فنڈز بھی ملنے کی توقع ہے جس کی افغانستان کی مردہ معیشت کو ان دنوں بہت ضرورت ہے۔

خط کے بارے میں بات کرتے ہوئے ترجمان اقوام متحدہ کا کہنا تھا کہ طالبان قیادت نے اپنے خط میں واضح کر دیا ہے کہ اچکزئی اب افغانستان کی نمائندگی نہیں کریں گے کیونکہ ان کی جگہ سہیل شاہین کو نامزد کر دیا گیا ہے۔