بنوں میں پالتو کتے کو مارنے پر کتے کے مالک نے طیش میں آکر ایک شخص کو قتل کرکے اس کی لاش کو آگ لگا دی۔

واقعہ تھانہ صدر کی حدود سرورغزنی خیل میں پیش آیا۔ جہاں ملزم نے 35 سالہ نوجوان شاقیازکوقتل کرکے لاش پر پیٹرول چھڑکا کر آگ بھی لگادی جس کے بعد کافی دیرتک لاش اپنی تحویل میں لے لی۔

واقعے کی اطلاع ملتے ہی پولیس کی بھاری نفری نے موقع پرپہنچ کرلاش برآمد کرنے کی کوشش کی لیکن اس دوران پولیس کے ساتھ فائرنگ کا تبادلہ ہوا جس میں ملزم عمیر پولیس مقابلے میں مارا گیا۔

مقتول شاقیاز پرملزم کے کتے کو مارنے کا الزام تھا۔ پولیس مقابلے میں مارے جانے والا مبینہ ملزم عمیر نے اس سے پہلے لکی گیٹ میں ڈی ایس بی کے دو اہلکاروں پر چاقو سے وار کرکے زخمی کیا تھا۔