Aaj News

پاک فوج اور وزیراعظم کی ”اعظم“، عمران خان کی ”اعوان“ کو مبارکباد

پاکستان کرکٹ ٹیم کی جیت پر عمران خان کی اپنے قانونی مشیر کو مبارکباد
اپ ڈیٹ 09 نومبر 2022 06:52pm
<p>تصویر: ٹوئٹر/ٹی ٹوئنٹی ورلڈ کپ</p>

تصویر: ٹوئٹر/ٹی ٹوئنٹی ورلڈ کپ

پاک فوج کے شعبہ تعلقاتِ عامہ کے سربراہ ڈی جی آئی ایس پی آر جنرل بابر افتخار، وزیر اعظم پاکستان میاں محمد شہباز شریف اور حزبِ اختلاف کی سب سے بڑی آواز عمران خان نے قومی کرکٹ ٹیم کو نیوزی لینڈ سے جیتنے کے بعد سیمی فائنل میں پہنچنے پر مبارکباد دی ہے۔

ڈی جی آئی ایس پی آر کا کہنا تھا کہ قومی ٹیم نے بہترین کارکردگی کامظاہرہ کیا۔

یہ بھی پڑھیں: امیدیں پوری: پاکستان ٹی 20 ورلڈ کپ کے فائنل میں

پاک فوج کی جانب سے قومی ٹیم کیلئے نیک خواہشات کا اظہار بھی کیا گیا۔

وزیراعظم شہباز شریف نے بھی قومی کرکٹ ٹیم کو جیت پرمبارکباد دیتے ہوئے ٹویٹ میں لکھا کہ جذبہ، کمٹمنٹ اور نظم و ضبط۔، شاباش پاکستان ٹیم۔“

لیکن عمران خان نے قومی ٹیم کی فتح کا سہرا پاکستان تحریک انصاف کے رہنما اور اپنے قانونی مشیر ”بابر اعوان“ کے سر سجا دیا۔

یہ بھی پڑھیں: پاکستان ٹیم ٹی 20 ورلڈ کپ کے سیمی فائنل میں کیسے پہنچی؟

بظاہر یہ غلطی سے ہی ہوا جسے بعد میں انہوں نے سدھارتے ہوئے بابر اعظم کو مبارک باد دی۔

عمران خان نے لکھا ”ایک شاندار جیت سمیٹنے پر بابر اعظم اور ٹیم کو مبارکباد پیش کرتا ہوں۔“

DG ISPR

imran khan

shahbaz sharif

Final

T20 WORLD CUP 2022

T20 semi Finals

Comments are closed on this story.