آئی سی سی ٹی 20 ورلڈ کپ کے سپر 12 مرحلے کے چوتھے میچ میں بھارت کی جانب سے پاکستان کو چار وکٹوں سے شکست دینے کے باوجود وزیراعظم شہباز شریف نے قومی ٹیم کی تعریف کی۔

ٹوئٹر پر جاری اپنے بیان میں وزیراعظم شہباز شریف نے کہا کہ بہت زبردست کوشش کی ٹیم پاکستان، زبردست گیم تھا۔

دوسری جانب پاکستان تحریک انصاف کے رہنما شہباز گل نے بھی پاکستان ٹیم کی شکست پر ردعمل دیتے ہوئے کہا کہ پاکستان کو ایک نئے کپتان کی ضرورت ہے۔

یہ بھی پڑھیں: کرکٹ کی اُس گیند کا قصّہ، جس نے ایک شہزادے کی جان لی

اپنے ٹوئٹر بیان میں شہباز گل نے کہا کہ بابر بہترین بلے باز ہے لیکن جارحانہ کپتانی نہیں کرسکتا ، اسی وجہ سے پاکستان میچ ہار جاتا ہے۔

پاکستان مسلم لیگ ن کی نائب صدر مریم نواز نے کہا کہ آج کا پاکستان بھارت میچ انتہائی سنسی خیز رہا، پاکستانی ٹیم نے بہترین کھیل پیش کیا۔

اپنے ٹوئٹ میں مریم نواز کا کہنا تھا کہ میچ سے گرین شرٹس کوبہت کچھ سیکھنے کوملاہوگا، قومی ٹیم کواگلے میچ کیلئے بھرپورتیارکرنی چاہئے۔