Aaj News

عمران خان نہ فوج کو ہراساں کر رہا ہے نہ حکومت کو، شیخ رشید

ساری سیاست نومبر کے گرد گھوم رہی ہے، شیخ رشید
اپ ڈیٹ 13 ستمبر 2022 11:23am
<p>فائل فوٹو</p>

فائل فوٹو

سابق وزیر داخلہ اور عوامی مسلم لیگ کے سربراہ داخلہ شیخ رشید احمد کہتے ہیں عمران خان نہ فوج کو ہراساں کر رہا ہے نہ حکومت کو، ایک معمولی اور معصومانہ سا سوال ہے کہ انتخابات کرا دیں۔

اسلام آباد ہائیکورٹ میں سعودی عرب واقعے پر درج مقدمے کی سماعت کے بعد میڈیا سے گفتگو میں انہوں نے کہا کہ تمام کیسز کی ایف آئی آرز ایک ہی قسم کی ہیں، جب کچھ نہیں ملا تو انہوں نے یہ کیسز نکال لیے۔

ان کا کہنا تھا کہ چیف جسٹس نے حسبِ معمول ایک اچھا فیصلہ دیا ہے کہ ہمیں تنگ نہ کیا جائے، اب میں ایک دن فیصل آباد، ایک دن اٹک، ایک دن لاہور اور ایک دن تھانہ کوہسار جاؤں؟ پھر تو سارا مہینہ اسی کام میں لگے رہیں گے۔

اس سے قبل شیخ رشید نے ٹوئٹر پر جاری اپنے پیغام میں کہا کہ ملک تقریباً ڈیفالٹ ہوچکا ہے، صرف اعلان ہونا باقی ہے۔

انہوں نے لکھا کہ بجلی چار روپے پچاس فی یونٹ مزید مہنگی کردی ہے۔

انہوں نے لکھا کہ فضل الرحمان نے ایکسٹینشن دینے والی پارلیمنٹ کی مدت بڑھانے کا مطالبہ کردیا ہے۔ ساری سیاست نومبر کے گرد گھوم رہی ہے۔

ان کا مزید کہنا تھا کہ اقتدار کے بھوکوں کا جمعہ بازار لگا ہے اور عوام کا چولہا نہیں جل رہا، وہ خود بخود سڑکوں پر نکلیں گے۔

Sheikh Rasheed

Tweet

Comments are closed on this story.

مقبول ترین