Aaj.tv Logo

واشنگٹن: امریکی محکمہ خارجہ کے ترجمان نیڈ پرائس نے کہا ہے کہ پاکستان کو مستحکم اور مضبوط معاشی بینادوں پر کھڑا دیکھنا چاہتے ہیں۔

واشنگٹن میں بریفنگ دیتے ہوئے امریکی محکمہ خارجہ کے ترجمان نیڈ پرائس نے پاکستان میں امریکی سفیر کی عمران خان سے ملاقات کے بارے میں تبصرے سے گریز کیا اور کہا کہ امریکی سفیر نہ صرف حکومتی شخصیات بلکہ اپوزیشن، بزنس کمیونٹی اور سول سوسائٹی کے اسٹیک ہولڈرز سے بھی ملتے ہیں۔

نیڈپرائس نے مزید کہا کہ امریکا پاکستان کو مستحکم اور مضبوط معاشی بنیادوں پر کھڑا دیکھنا چاہتا ہے اور اس مقصد کے حصول کیلئے پاکستان کے ساتھ مل کر کام جاری رکھے گا۔