Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

کراچی کے علاقے گلستان جوہر میں کار پر فائرنگ سے سندھ بار کونسل کے سیکرٹری ایڈووکیٹ عرفان مہر جاں بحق ہو گئے جبکہ سی سی ٹی وی فوٹیج آج نیوز کو موصول ہوگئی ۔

کراچی کے علاقے گلستان جوہر بلاک 13 میں صبح 7 بج کر 53 منٹ پرایک بائیک پر سوار 2 ملزمان کالی گاڑی کا پیچھا کرتے ہوئے آئے ،7 بج کر 54 منٹ پر بائیک روکی اور گاڑی کے اندر بیٹھے وکیل کو گولیوں سے مار دیا ۔

ذرائع کے مطابق عرفان مہر بچوں کو سکول چھوڑنے جارہے تھے کہ گولیوں کا نشانہ بن گئے، ان پر ہیلمٹ پہنے موٹرسائیکل سواروں نے فائرنگ کی، واردات کے بعد ملزمان فرار ہو گئے۔

ایس پی گلشن عبدالخالق پیرزادہ حادثے کے مقام پر پہنچ گئے،میڈیا سے گفتگو کرتے ہوئے کہا کہ واقعے کی تحقیقات شروع کر دی گئی ہیں۔

کرائم سین یونٹ کی جانب سے شواہد اکٹھا کئے جارہے ہیں گاڑی میں موجود خون کے نمونے حاصل کئےجارہے ہیں، 30 بور کی پستول کی 3 گولیوں کے خول جائے وقوعہ سے پولیس نے برآمد کرلئے۔

واقعے پر سندھ حکومت کے ترجمان بیرسٹر مرتضی وہاب نے سندھ بار کونسل کے سیکرٹری ایڈووکٹ عرفان مہر کے قتل کا نوٹس لیتے ہوئےقاتلوں کو فوری گرفتارکرنے ہدایت کردی۔