Aaj TV News

BR100 4,623 Increased By ▲ 6 (0.12%)
BR30 17,917 Increased By ▲ 191 (1.08%)
KSE100 45,078 Decreased By ▼ -5 (-0.01%)
KSE30 17,793 Decreased By ▼ -35 (-0.2%)
COVID-19 TOTAL DAILY
CASES 1,402,070 8,183
DEATHS 29,192 30
Sindh 535,965 Cases
Punjab 471,925 Cases
Balochistan 34,187 Cases
Islamabad 123,648 Cases
KP 189,300 Cases

راولپنڈی:وفاقی وزیرداخلہ شیخ رشید کا کہنا ہے کہ پی ٹی آئی اورعمران خان 5سال پورے کریں گے،میں عمران خان کے ساتھ کھڑا ہوں اور ہمیشہ رہوں گا،مذاکرات میں حامی ہوں سب سے مذاکرات ہونے چاہئیں، ٹی ایل پی کے ساتھ پہلے معاہدے میں شامل تھا۔

وزیرداخلہ شیخ رشید نے گورنمنٹ ایسوسی ایٹ کالج فارویمن ڈھوک منگٹال راولپنڈی میں ڈاکٹر عبدالقدیرخان ہال کا افتتاح کردیا۔

افتتاحی تقریب سے خطاب کرتےہوئے شیخ رشید نے کہا کہ خواہش تھی ہرعلاقےمیں لڑکیاں تعلیم حاصل کریں،مختصرعرصےکےدوران خواتین کے3کالجزبنائےہیں،راولپنڈی میں لڑکیوں کی تعلیم پر خصوصی توجہ دی ہے۔

وزیرداخلہ نے کہا کہ جب فاطمہ جناح یونیورسٹی بنائی تو مجھےاستعفیٰ دینا پڑا،مستحق اور ہونہارطالبات کےتعلیمی اخراجات برداشت کریں گے،7تعلیمی ادارے اور 3یونیورسٹیاں بنائیں ہیں۔

وزیرداخلہ شیخ رشید کا مزید کہنا تھا کہ ملکی ترقی کیلئے تعلیم کا فروغ ضروری ہے،بیرون ملک تعلیم کیلئے بچیوں کومعاوضہ دیاجائےگا،پاکستان کی آبادی بڑھتی جارہی ہے،دنیا کی کوئی طاقت ہمیں شکست نہیں دے سکتی۔

شیخ رشید نے کہا کہ مشترکہ اجلاس مؤخر ہوگیا تو اچھی بات ہے،افغانستان میں لوگ بھوک سےمررہے ہیں،ہمیں افغانوں کی مدد کرنی ہوگی،افغانستان کےاثرات براہ راست پاکستان پرپڑتے ہیں۔

وزیرداخلہ نے پاکستان تحریک لبیک کے ساتھ ہونے والے معاہدے سے لاعلمی کا اظہارکرتے ہوئے کہاکہ ٹی ایل پی کے ساتھ پہلے معاہدے میں شامل تھا تاہم اب جومعاہدہ ہوا ہے اس کا علم نہیں، خون خرابے کا حامی نہیں مذاکرات ہونے چاہئیں۔

وزیرداخلہ شیخ رشید نے مزید کہا کہ سعدرضوی کومنع کیاتھاکہ مجھےمذاکرات میں شامل نہ کریں،اللہ تعالیٰ کا شکر ہےکہ اب اس معاملےمیں شامل نہیں ہوں،جب لفافہ کھلے گاتو سب سامنے آجائےگا۔

شیخ رشید کا کہنا تھا کہ پی ٹی آئی اورعمران خان 5سال پورے کریں گے،میں عمران خان کے ساتھ کھڑا ہوں اور ہمیشہ رہوں گا۔

آئی سی سی ٹی 20ورلڈ کپ پربات کرتے ہوئے وزیرداخلہ شیخ رشید کا کہنا تھا کہ دعاہےپاکستان آسٹریلیا کو شکست دےکرفائنل میں جائے،میرافائنل تواس دن ہوگیاتھاجب بھارت کوہرایا تھا۔

شیخ رشید نے مزید کہا کہ موسم بدلتےہیں توسیاست میں جان آتی ہے،کچھ نہیں ہونے جارہا،اپوزیشن ساڑھے3سال سے ٹی وی میں پھنسی ہوئی ہے۔