اسلام آباد: وفاقی وزیرداخلہ شیخ رشید نے کہاہے کہ کوئی گیم شروع نہیں ہورہی،گیم صرف عمران خان کی ہے لہذا وزیراعظم 5سال پورے کریں گے،سپریم کورٹ کے فیصلے سرآنکھوں پرہیں۔

وفاقی وزیرداخلہ شیخ رشید نے سپریم کورٹ کے باہر میڈیا سے بات چیت کرتےہوئے کہا کہ میں احتیاطاً سپریم کورٹ آیا ہوں، مجھے نہیں معلوم کہ وزیراعظم عدالت آئیں گے یا نہیں، سپریم کورٹ کے احکامات سب سے افضل ہیں۔

شیخ رشید نے کہا کہ کوئی گیم شروع نہیں ہورہا،گیم صرف عمران خان کاہے،وزیراعظم عمران خان 5سال پورے کریں گے، وزیر اعظم آئے تو سپریم کورٹ کی بات سنیں گے۔

وزیرداخلہ کا کہنا تھا کہ سپریم کورٹ بھی جمہوریت کا حصہ ہے،سپریم کورٹ سب کیلئے قابل احترام ہے ،شہداء اےپی ایس کےورثاکی درخواست آئےگی توعمل کریں گے۔