اسپیکرعبدالقدوس بزنجوکی زیرصدارت بلوچستان اسمبلی کااجلاس جاری ہے اور ایوان میں تحریک عدم اعتماد کی قرارداد پیش کردی گئی۔

عبدالرحمان کھیتران نےایوان میں قرارداد پیش کی۔وزیراعلیٰ جام کمال ایوان کا اعتماد کھوچکےہیں،قرارداد میں کہا گیا ہے کہ جام کمال کی وجہ سےصوبے میں بدامنی،بیروزگاری پھیلی۔

تاہم وزیراعلی بلوچستان کیخلاف تحریک عدم اعتماد پیش کئے جانے کے موقع پر پانچ اراکین کی اجلاس سے غیرحاضری پر دلچسپ صورتحال پیدا ہوگئی۔

اس موقعے پر اپوزیشن لیڈر ملک سکندر نے دعوی کیا کہ ان ارکان کو لاپتہ کیا گیا ہے لیکن انکی تقریر کے دوارن ہی مبینہ مسنگ پرسن لالہ رشید ایوان میں پہنچ گئے اور جب ان سے پوچھا گیا کہ وہ کہاں تھے تو انہوں نے کہا کہ وہ 'دم' کرانے گئے تھے۔