اپوزیشن لیڈر شہبازشریف کا محسن پاکستان ایٹمی سائنسدان ڈاکٹرعبد القدیر خان کے انتقال پرافسوس کا اظہارکرتے ہوئے کہا ہے کہ جوہری پروگرام کے معمار کی وفات ایک قومی صدمہ ہے، حکومت قومی سوگ کا اعلان کرے۔

اپنے ایک بیان میں قائد حزب اختلاف شہباز شریف نے کہاڈاکٹرعبدالقدیرخان پاکستان کےدفاع اورسلامتی کی ایک قابلِ فخرتاریخ اور جدوجہد کا نام تھا،ان کی تمام زندگی پاکستان کے دفاع کو ناقابلِ تسخیر بنانے میں صرف ہوئی۔ پاکستان اورقوم ہمیشہ ان کی احسان مند رہے گی۔

شہبازشریف نے کہاڈاکٹرعبد القدیرخان نے پاکستان اوراس کے مفادات کےلئے بے پناہ قربانیاں دیں۔انہوں نے ہمیشہ مادی مفادات کے بجائے پاکستان کےلئے کام کرنا پسند کیا۔