Aaj TV News

BR100 4,503 Increased By ▲ 106 (2.4%)
BR30 17,591 Increased By ▲ 599 (3.53%)
KSE100 44,041 Increased By ▲ 760 (1.76%)
KSE30 17,138 Increased By ▲ 361 (2.15%)
COVID-19 TOTAL DAILY
CASES 1,287,393 232
DEATHS 28,784 7
Sindh 476,958 Cases
Punjab 443,560 Cases
Balochistan 33,509 Cases
Islamabad 107,960 Cases
KP 180,412 Cases

شمالی کوریا نے کوویکس اسکیم کے تحت دی جانے والی کووڈ ویکسین آسٹرازینیکا لینے سے انکار کردیا۔جنوبی کورین تھنک ٹینک کے مطابق شمالی کوریا کی جانب سے یہ انکار ویکسین کے سبب ہونے والے اثرات کی وجہ سے کیا گیا ہے۔

کوویکس نے شمالی کوریا کو آسٹرازینیکا کی تقریباً 20 لاکھ خوراکیں فراہم کرنے کا اعلان کیا تھا۔ پہلی شپمنٹ مئی کے آخر میں روانہ ہونی تھی لیکن کچھ وجوہات کی بنا پر اس کی روانگی مؤخر ہوگئی۔

شمالی کوریا میں ابھی تک کووڈ کاکوئی بھی کیس رپورٹ نہیں ہوا ہے جس پر جنوبی کوریا اور امریکی حکام نے سوالات اٹھائے ہیں۔ تاہم دنیا سے کٹ کر رہنے والے اس ملک نے وائرس کے خلاف سخت اقدامات نافذ کیے جن میں سرحدوں کا بند کرنا اور اندرونِ ملک سفر پر پابندی شامل تھی۔

جنوبی کوریا کی جاسوسی ایجنسی سے ملحق ادارے انسٹیٹیوٹ برائے نیشنل سیکیورٹی اسٹریٹجی کی رپورٹ کے مطابق پیانگ یانگ اب دوسری ویکسین کے آپشن کی طرف دیکھ رہا ہے۔

رپورٹ کے مطابق شمالی کوریا روس میں بنی ویکسین میں دلچسپی رکھتا ہے اور امداد کی مد حاصل کرنے کی امید کررہا ہے۔

بدھ کو روسی وزیرخارجہ سرگے لیوروف نے کہا کہ ماسکو، پیانگ یانگ کو کئی بار ویکسین کی پیشکش کرچکا ہے۔