Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

چین نے آرٹیفیشل انٹیلی جنس (مصنوعی ذہانت) کی ٹیکنالوجی استعمال کرتے ہوئے جنگی طیارے اڑانے والے پائلٹس تیار کرلیے ہیں۔

مصنوعی ذہانت کے حامل یہ پائلٹس تجربات میں حیران کن طور پر انسانی پائلٹس کی نسبت کئی گنا زیادہ بہتر کارکردگی کا مظاہرہ کر رہے ہیں۔

ڈیلی میل کے مطابق یہ مصنوعی ذہانت کے حامل جنگی پائلٹس ٹریننگ کے دوران چین کے مایہ ناز پائلٹس کو بھی گرانے میں کامیاب ہوچکے ہیں۔

چین کے نامور پائلٹ فینگ گویو بھی ان پائلٹس میں سے ایک ہیں جن کا طیارہ ٹریننگ کے دوران روبوٹ پائلٹ گرا چکے ہیں۔

روبوٹ پائلٹ کے ہاتھوں طیارہ تباہ کرانے کے بعد فینگ گویو کا کہنا تھا، 'اس روبوٹ پائلٹ نے مجھے نشانہ بنانے کے لیے اپنی ہی "وار ٹیکٹکس" استعمال کیں، جو اس سے پہلے میں نے کسی انسان پائلٹ کو استعمال کرتے نہیں دیکھا۔'

فینگ گویو نے مزید کہا کہ 'ایک میں ہی نہیں، میرے کئی دیگر ساتھیوں کو بھی یہ روبوٹ پائلٹ شکست دے چکے ہیں۔'

کہا جا رہا ہے کہ ابتدائی طور پر مصنوعی ذہانت کے حامل ان روبوٹ پائلٹس کو انسانی پائلٹس کے معاون کے طور پربروئے کار لایا جائے گا۔