Aaj News

دو بچے یقینی موت سے معجزانہ طور پر محفوظ

امریکی شہر نیویارک کے علاقے برونکس میںں دو بچے معجزانہ طور پر...
شائع 20 جون 2021 11:53am

امریکی شہر نیویارک کے علاقے برونکس میںں دو بچے معجزانہ طور پر موت کو دغا دے گئے۔ 10 سالہ لڑکی اور اس کے 5 سالہ بھائی کے گرد کئی گولیاں لگیں تاہم وہ دونوں مکمل طور پر محفوظ رہے۔ واقعے کو سیکیورٹی کیمرے کی آنکھ نے محفوظ کر لیا۔

جمعے کو نیویارک پولیس کی جانب سے جاری ویڈیو میں سیاہ لباس میں ملبوس ایک مسلح شخص کو برونکس کی ایک سڑک پر اپنے شکار کا پیچھا کرتے ہوئے دیکھا جا سکتا ہے۔

انگریزی اخبار "ڈیلی نیوز" نے جائے وقوع پر ایک عمارت میں 30 برس سے مقیم 53 سالہ جونی کے حوالے سے بتایا کہ 'مسلح شخص کا ساتھی اسکوٹر پر انتظار کرتا رہا جب کہ مسلح شخص نے اپنے 24 سالہ ہدف حسن رائٹ کا تعاقب کرتے ہوئے اس پر گولیاں چلائیں۔ موٹر سائیکل سوار چیخ کر کہہ رہا تھا کہ 'اسے قتل کر دو ، اسے قتل کر دو'۔

حسن نے فٹ پاتھ پر بھاگ کر اپنی جان بچانے کی کوشش کی جب کہ اس ہنگامہ آرائی کے دوران میں وہاں پیدل چلنے والے لوگ بھاگ کر محفوظ جگہ تلاش کرنے لگے۔

جونی کے مطابق حسن بھاگتا ہوا فٹ پاتھ پر دو بچوں سے ٹکرا گیا۔ اس کے نتیجے میں وہ تینوں زمین پر گر گئے۔ مسلح شخص نے دونوں بچوں کی جانوں کی پروا کیے بغیر حسن پر کم از کم چھ فائر کیے۔

Twitter/@NYPDnews

ویڈیو سے ظاہر ہو رہا ہے کہ فائر کے وقت یہ بچے گولیوں سے محض چند انچ کے فاصلے پر تھے۔ بچے تو معجزانہ طور پر بچ گئے، تاہم حسن پنڈلی میں گولیاں لگنے سے زخمی ہو گیا۔ اسے قریبی ہسپتال منتقل کر دیا گیا، اب اس کی حالت بہتر ہے۔

New York

CCTV footage

Comments are closed on this story.

مقبول ترین