Aaj TV News

BR100 5,093 Decreased By ▼ -3 (-0.06%)
BR30 25,710 Decreased By ▼ -45 (-0.17%)
KSE100 47,312 Decreased By ▼ -6 (-0.01%)
KSE30 18,963 Decreased By ▼ -11 (-0.06%)
COVID-19 TOTAL DAILY
CASES 1,020,324 4,497
DEATHS 23,209 76
Sindh 374,434 Cases
Punjab 354,904 Cases
Balochistan 30,019 Cases
Islamabad 86,602 Cases
KP 142,799 Cases

اسلام آباد:وزیرخارجہ شاہ محمود قریشی کا کہنا ہے کہ افغانستان کا مسئلہ سیاسی ہےجومذاکرات سے ہی حل ہوگا،جنگ اورمفاہمت ایک ساتھ نہیں چل سکتے، پاکستان نے افغانستان میں امن کیلئے ہرممکن اقدام کئے، نیشنل سیکیورٹی افغانستان کے بیان سے مایوسی ہوئی۔

اسلام آباد میں پاک افغان دو طرفہ مذاکرات کے افتتاحی سیشن سے خطاب کرتےہوئے وزیر خارجہ شاہ محمود قریشی نے کہا کہ افغانستان کامسئلہ سیاسی ہےجومذاکرات سےہی حل ہوگا،وزارت خارجہ دوست ممالک سےتعلقات کومزید وسعت دینےکیلئےکردار ادا کرتی ہے۔

شاہ محمود قریشی نے کہا کہ جنگ اور مفاہمت ایک ساتھ نہیں چل سکتے،افغانستان میں قیام امن کیلئے پاکستان کی کوششوں کوعالمی سطح پرسراہا گیا،پاکستان نےافغانستان میں قیام امن کیلئےکام کیا۔

وزیرخارجہ کا کہنا تھا کہ شوریٰ علماء کےاجلاس میں دہشتگردی کی مذمت کی گئی،پاکستان نے افغانستان میں امن کیلئے ہرممکن اقدامات کئے،نیشنل سیکیورٹی افغانستان کے بیان نےمایوس کیا،ایسےبیانات امن کی کاوشوں کو سبوتاژ کرسکتے ہیں۔

وزیرخارجہ شاہ محمود قریشی نے مزید کہا کہ دنیاپاکستان کو افغانستان میں قیام امن کےمعاون کےطور پر دیکھتی ہے،امن ہرکسی کی خواہش ہے،آج افغانستان20سال قبل والا نہیں،افغانستان میں امن خطےکے مستقبل کیلئےناگزیرہے۔

شاہ محمود قریشی کا کہنا تھا کہ وزیراعظم نےہمیشہ کہاہے امن صرف مذاکرات سےممکن ہے،جدید ترین جنگی ٹیکنالوجی سے بھی امن قائم نہیں کرسکتے۔