این سی او سی نے شہریوں سے محفوظ سیاحت پالیسی اپنانے کی اپیل کر دی۔ایس او پیز کے یقینی نفاز کےلئے حکمت عملی کا جامع نظام تیار کر لیا گیا۔

لیفٹیننٹ جنرل حمود الزمان کی زیرصدارت این سی او سی اجلاس ہوا جس میں 24 مئی سے کھلنے والے سیاحتی مقامات پرایس اوپیزکے اطلاق کے حوالے سے انتظامات کا جائزہ لیا گیا۔

اجلاس میں ان باؤنڈ ٹریول پالیسی کا بھی جائزہ لیا گیا۔سفری پابندیوں کے حوالے سے کیٹگری سی میں مزید ممالک کو بھی شامل کر لیا گیا ۔کیٹگری سی میں شامل نئے ممالک پر پابندیوں کا اطلاق 26 مئی سے ہوگا۔بیرون ملک سے آنے والے مسافروں میں بیماری کی تشخیص کےلئے سخت ایس او پیزکا اطلاق کیا جارہا ہے۔یو اے ای اوربحرین سے کورونا مثبت کیسزپاکستان آنے کے بعد مخصوص لیبزکے ٹیسٹ قبول کرنے کا فیصلہ کیا گیا ہے.