سعودی ولی عہد پرنس محمد بن سلمان کا کہنا ہے کہ ہم ایران کے ساتھ خیر سگالی تعلقات کے قیام کے خواہاں ہیں۔

غیرملکی خبررساں ادارےکے مطابق سعودی ولی عہد پرنس محمد نے سعودی سرکاری ٹیلی ویژن چینل کو انٹرویو دیتے ہوئے کہا کہ ہم ایران کے ساتھ اچھے تعلقات استوار کرنے کے متمنی ہیں.ایران ہمارا ایک ہمسایہ ملک ہے جس کے ساتھ بعض اہم معاملات پر مطابقت قائم ہو سکتی ہے۔

انہوں نے بتایا کہ ہم ایران میں خوشحالی کے قیام اور ہمارے مابین دو طرفہ مفادات کے نظریات کے قیام کی خواہش رکھتے ہیں۔ تاہم اس کے ساتھ ہمارے مسائل میں جوہری پروگرام یا پھر بعض علاقائی ممالک میں قوانین کے منافی کاروائیاں کرنےوالے ملیشیاوں سے تعاون اور بالسٹک میزائل پروگرام کی طرح کے منفی عوامل شامل ہیں۔

ان مسائل کو دورکرنے کےلئے شراکت داروں کےساتھ مل کر کام کرنے کا ذکر کرنے والے محمد بن سلمان نےمسائل کے حل اور ہرکسی کے ساتھ اچھے تعلقات قائم کرنے کی تمنا کا بھی اظہار کیا۔