Aaj TV News

BR100 4,599 Increased By ▲ 13 (0.29%)
BR30 17,334 Decreased By ▼ -78 (-0.45%)
KSE100 44,888 Decreased By ▼ -36 (-0.08%)
KSE30 17,696 Decreased By ▼ -30 (-0.17%)
COVID-19 TOTAL DAILY
CASES 1,381,152 6,357
DEATHS 29,122 17
Sindh 529,218 Cases
Punjab 466,164 Cases
Balochistan 33,975 Cases
Islamabad 120,128 Cases
KP 185,683 Cases

لاہور :مسلم لیگ ن کی نائب صدر مریم نواز کا کہنا ہے کہ خفیہ کیمروں کے ذریعے آئین کی توہین سنگین جرم ہے، سیلیکٹرز بھی سوچتے ہوں گے کیا مصیبت گلے پڑ گئی۔

نائب صدر ن لیگ مریم نواز نے سماجی رابطے کی ویب سائٹ ٹوئٹر پر اپنے ٹویٹ میں کہا کہ عادی، سند یافتہ ووٹ چور ہر بار ووٹ چوری کا نیا طریقہ ڈھونڈ کر لاتا ہے مگر رنگے ہاتھوں پکڑا جاتا ہے مگر اب حالت اتنی پتلی ہو چکی ہے کہ ایجنسیوں سے فون کروا کرگن پوائنٹ پر ووٹ لینے سے بھی بات نہیں بنی اور کیمرے لگا کر اپنے ہی ارکان کی جاسوسی کرنی پڑ گئی۔

مریم نواز نے کہا کہ آر ٹی ایس اور ڈسکہ کے بعد سینیٹ پر ڈاکہ ڈالنے والے آخری جنگ ہار چکے،سپریم کورٹ سے منہ کی کھائی، آئینی ترمیم میں ناکام رہے،صدارتی آرڈیننس ردی کا ٹکڑا بن گیا تو خفیہ کیمروں والے مستری لے آئے، آئین میں خفیہ ووٹ کا ذکر ہے خفیہ کیمروں کا نہیں!ووٹ چورو شرم کرو اور کرسی چھوڑو!۔

نائب صدر ن لیگ کا مزید کہنا تھا کہ پارلیمنٹ اور اپوزیشن کے ووٹ چوروں کواین آر او دینےسے انکار کے بعدالیکشن کمیشن اور سپریم کورٹ کے کندھے پر رکھ کر بندوق چلانے میں ناکامی کے بعد خفیہ کیمروں کے ذریعے آئین کی توہین ایک سنگین جرم ہے،سیلیکٹرزبھی سوچتے ہوں گے کیا مصیبت گلے پڑ گئی!نا اُگلے بن رہی ہے نا نگلے بن رہی ہے!۔