Aaj TV News

BR100 4,665 Increased By ▲ 5 (0.1%)
BR30 18,674 Decreased By ▼ -130 (-0.69%)
KSE100 45,072 Decreased By ▼ -258 (-0.57%)
KSE30 17,430 Decreased By ▼ -121 (-0.69%)
COVID-19 TOTAL DAILY
CASES 1,284,840 475
DEATHS 28,728 10
Sindh 475,616 Cases
Punjab 443,094 Cases
Balochistan 33,479 Cases
Islamabad 107,689 Cases
KP 179,995 Cases

راولپنڈی :آرمی چیف جنرل قمر جاوید باجوہ نے کہا ہے کہ خواتین نے قوم اور انسانیت کی بڑی خدمت کی ،پاکستانی خواتین قوم کی خوشحالی اور وقار میں حصہ لے رہی ہیں ،خواتین یونیفارم میں بھی بڑھ چڑھ کر کردار ادا کررہی ہیں۔

ڈی جی آئی ایس پی آرنے سماجی رابطے کی ویب سائٹ ٹوئٹر پر ٹویٹ کرتے ہوئے کہا کہ آرمی چیف جنرل قمر جاوید باجوہ نے خواتین کے عالمی دن کے موقع پر پاکستانی خواتین کو خراج تحسین پیش کیا ہے۔

پاک فوج کے سپہ سالار نے اپنے پیغام میں کہا کہ پاکستانی خواتین قوم کی خوشحالی اور وقار میں بڑھ چڑھ کر حصہ لے رہی ہیں، کورونا کیخلاف جنگ میں بھی خواتین صف اول پر ہیں، خواتین نے ملک اور انسانیت کی خدمت کیلئے ہر شعبے میں بھرپور کردار ادا کرتے ہوئے اپنی صلاحیتوں کا ثبوت دیا ہے۔

آرمی چیف جنرل قمرجاوید باجوہ کا کہنا تھا کہ یونیفارم میں خواتین نے اپنی صلاحیتیں منوائی ہیں ،یونیفارم میں خواتین نے قوم اورانسانیت کی بڑی خدمت کی ہے،خواتین ہمارے مکمل اور بھرپور احترام اورتکریم کی حق دار ہیں۔

خیال رہے کہ پاکستان سمیت دنیا بھر میں آج خواتین کا عالمی دن منایا جا رہا ہے جس کا مقصد خواتین کی خدمات کا اعتراف کرنا اور معاشرے میں ان کی اہمیت کو اجاگر کرنا ہے۔