Aaj TV News

BR100 4,763 Increased By ▲ 47 (1%)
BR30 20,671 Decreased By ▼ -169 (-0.81%)
KSE100 45,821 Increased By ▲ 322 (0.71%)
KSE30 18,006 Increased By ▲ 182 (1.02%)
COVID-19 TOTAL DAILY
CASES 1,267,393 567
DEATHS 28,344 16
Sindh 466,945 Cases
Punjab 438,636 Cases
Balochistan 33,159 Cases
Islamabad 106,615 Cases
KP 177,240 Cases

لاہور :احتساب عدالت نے شہباز شریف فیملی کیخلاف منی لانڈرنگ کیس میں مسلم لیگ ن کے صدر شہباز شریف کو پیش نہ کرنے پر برہمی کا اظہار کرتےہوئے سپرنٹنڈنٹ جیل کو شوکاز نوٹس جاری کر دیا۔

احتساب عدالت لاہور کے ایڈمن جج جواد الحسن نے شہباز شریف فیملی کیخلاف منی لانڈرنگ کیس کی سماعت کی،شہباز شریف کو عدالت پیش نہ کیا گیا جبکہ حمزہ شہباز بھی تاخیر سے پہنچے۔

فاضل جج نے اظہار برہمی کرتے ہوئے جیل سپرنٹنڈنٹ اور حمزہ شہباز کے ضمانتیوں کو شوکاز نوٹس جاری کر دیا۔

ڈپٹی سپرنٹنڈنٹ جیل نے عدالت پیش ہوکر شہباز شریف کی میڈیکل رپورٹ پیش کی اور تاخیر پر معذرت طلب کی۔

عدالت نے ڈپٹی سپرنٹنڈنٹ کی سرزنش کرتے ہوئے کہا کہ یہ چھانگا مانگا کی عدالت نہیں، ایسا رویہ قابل برداشت نہیں،حمزہ شہباز ضمانت کے بعد پہلی بار عدالت پیش ہوئے۔

فاضل جج نے انہیں ہدایت کی کہ وقت پر آیا کریں،جس پر حمزہ شہباز نے تاخیر سے آنے پر معذرت کی جسے عدالت نےمنظور کرتے ہوئے ضمانتیوں کو جاری شوکاز نوٹس واپس لے لیا اور سماعت 10 مارچ تک ملتوی کر دی۔

رمضان شوگر ملز کیس میں حاضری مکمل کرنے کے بعد عدالت نے سماعت 11 مارچ تک ملتوی کر دی۔