Aaj TV News

BR100 4,678 Decreased By ▼ -9 (-0.18%)
BR30 18,623 Decreased By ▼ -17 (-0.09%)
KSE100 45,507 Decreased By ▼ -105 (-0.23%)
KSE30 17,926 Decreased By ▼ -16 (-0.09%)
COVID-19 TOTAL DAILY
CASES 1,333,521 5,034
DEATHS 29,029 10
Sindh 505,930 Cases
Punjab 454,372 Cases
Balochistan 33,729 Cases
Islamabad 111,855 Cases
KP 182,419 Cases

ویسٹ انڈیز کے آل راؤنڈر کرکٹر کیرون پولارڈ نے سری لنکا کے خلاف ٹی 20 میچ میں ایک ہی اوور میں 6 چھکے جڑ دیئے۔

سری لنکا نے ویسٹ انڈیز کو جیت کے لیے 132 رنز کا ہدف دیا تھا جو کیرون پولارڈ کے دھواں دھار چھکوں کی بدولت 6 وکٹوں کے نقصان پر پورا ہوگیا۔

پولارڈ نے حریف ٹیم کے بالر اکیلا دھننجیا کو ایک ہی اوور میں 6 چھکے مارے۔ قابل ذکر بات یہ ہے دھننجیا نے ایک اوور قبل ہی تین وکٹوں پر ویسٹ انڈیز کے تین کھلاڑیوں کو آؤٹ کیا تھا۔

دھننجیا نے ایک ہی اوور میں ایوائن لیوس، کرس گیل اور نکولس پورن کو تین گیندوں پر آؤٹ کر کے ہیٹ ٹرک مکمل کی تھی۔

ہیٹ ٹرک کے بعد اگلا اوور دھننیا کے لیے ڈراؤنا خواب ثابت ہوا اور پولارڈ نے انہیں 6 گیندوں پر 6 چھکے جڑ کر ویسٹ انڈیز کی جیت میں اہم کردار ادا کیا۔

اس میچ میں پولارڈ نے11 گیندوں پر 38 رنز اسکور کیے اور میچ کے بہترین کھلاڑی قرار پائے۔

پولارڈ نے ناصرف اپنی ٹیم کی جیت میں اہم کرادر ادا کیا بلکہ وہ یوراج سنگھ اور ہرشل گبز کے بعد انٹرنیشنل کرکٹ کے ایک اوور میں 6 چھکے مارنے والے تیسرے بلے باز بھی بن گئے۔