Aaj.tv Logo

لاہور: اوپننگ بیٹسمین امام الحق انگوٹھے کی انجری کے باعث جنوبی افریقہ کیخلاف ٹیسٹ سیریز سے بھی باہر ہوگئے۔

تفصیلات کے مطابق امام الحق کے انگوٹھے کا ایکسرے کلیئر نہیں آیا، ان کے انگوٹھے کا فریکچر تاحال ٹھیک نہیں ہوسکا۔

امام کے مطابق ڈاکٹرز نے پریکٹس سے منع کردیا ہے اور ڈیڑھ ہفتے آرام کا مشورہ دیا ہے۔

واضح رہے کہ دورہ نیوزی لینڈ میں پریکٹس کے دوران امام الحق کا انگوٹھا فریکچر ہوگیا تھا، امام بغیر کوئی میچ کھیلے وطن واپس آگئے تھے۔