لاہور: سلمان بٹ اور محمد عرفان جونئیر کے بعد سمیع اسلم نے بھی ڈومیسٹک کرکٹ کھیلنے سے معذرت کرلی۔

ذرائع کے مطابق سمیع اسلم بلوچستان ریجن کی سیکنڈ الیون ٹیم میں شامل کرنے پر نالاں تھے، جس کے باعث انہوں نے نیشنل ٹی ٹوئنٹی ٹورنامنٹ میں شرکت سے انکار کردیا۔

سابق کپتان راشد لطیف نے بھی یہ انکشاف کیا ہے کہ سمیع اسلم ساؤتھ پنجاب کے کپتان تھے اور مینیجمنٹ سے تعلقات کشیدہ تھے۔

دوسری جانب سمیع اسلم کے مطابق کوچ سمیت کسی سے کوئی اختلافات نہیں، ذاتی وجوہات کی بنا پر معذرت کی ہے۔ قائد اعظم ٹرافی سے قبل ٹیم کو جوائن کرلیں گے۔