Aaj News

جمعرات, مارچ 28, 2024  
18 Ramadan 1445  

جناح ہاؤس حملہ، خدیجہ شاہ سمیت دیگر خواتین جوڈیشل ریمانڈ پر جیل منتقل

لاہور کی انسداد دہشت گردی عدالت نے پولیس کی مزید جسمانی ریمانڈ کی استدعا مسترد کردی
اپ ڈیٹ 08 جون 2023 12:53pm
فوٹو ــ فائل
فوٹو ــ فائل

لاہور کی انسداد دہشت گردی عدالت نے جناح ہاؤس حملہ کیس میں پی ٹی آئی رہنما خدیجہ شاہ سمیت دیگر خواتین کو جوڈیشل ریمانڈ پر جیل بھیج دیا۔

لاہور کی انسداددہشت گردی عدالت میں جناح ہاؤس حملہ کیس میں پی ٹی آئی رہنما خدیجہ شاہ سمیت دیگر گرفتار خواتین ملزمان کے جسمانی ریمانڈ پر سماعت ہوئی۔

عدالت نے پولیس کی مزید جسمانی ریمانڈ کی استدعا مسترد کرتے ہوئے خدیجہ شاہ سمیت دیگر خواتین کو جوڈیشل ریمانڈ پرجیل بھیج دیا۔

اس سے قبل سرکاری وکیل نے عدالت کو بتایا کہ خدیجہ شاہ ، صنم جاوید سے جسمانی ریمانڈ کے دوران ڈنڈا برآمد کروالیا ہے، صنم جاوید سمیت دیگر خواتین نے پیٹرول بم کا استعمال کیا تھا۔

سرکاری وکیل نے اپنے دلائل میں مزید کہا کہ خواتین سے پیٹرول بم برآمد کرانا مقصود ہے، عدالت گرفتار خواتین کا جسمانی ریمانڈ فراہم کرنے کا حکم دے۔ جس پر فاضل عدالت نے کہا کہ آپ نے پہلے پیٹرول بم کا نہیں لکھا تھا،آج آپ لکھ کر لائیں ہیں۔

یاد رہے کہ جناح ہاؤس حملے میں ملوث 13خواتین کا جسمانی ریمانڈ مکمل ہونے پر انھیں عدالت میں پیش کیا گیا۔

9 مئی کو چیئرمین پی ٹی آئی کی گرفتاری کے خلاف ملک بھر میں پُرتشدد مظاہرے کیے گئے تھے۔ شرپسند افراد نے لاہور میں جناح ہاؤس میں بھی توڑ پھوڑ کی تھی اور وہاں آگ لگا دی تھی۔ جس کے بعد پولیس نے حملے میں ملوث افراد کو گرفتار کیا اور ان کے خلاف کیس لاہور کی انسداد دہشت گردی عدالت میں زیر سماعت ہے۔

9 May

jinah house attack

PTI Leaders Left Party

Comments are closed on this story.

تبصرے

تبولا

Taboola ads will show in this div