اکثر ٹی وی اسکرینوں پر جلوے بکھیرنے والے شوبز ستارے اپنے بچپن کی تصاویر کو سوشل میڈیا اکاؤنٹ پر پوسٹ کرکے اپنے مداحوں کو حیران کردیتے ہیں ۔

ایسے میں سوشل میڈیا پر ایک تصویر سامنے آئی جس میں بالی ووڈ اداکار ہریتھک روشن کے ساتھ دو بچوں کو دیکھا جاسکتا ہے۔

تاہم کیا آپ برسوں پُرانی اس تصویر میں ہریتھک روشن کے ساتھ موجود بچوں کو پہچان سکتے ہیں ؟ جو آج بالی ووڈ کے بڑے اداکار بن کر اپنا یہ خواب پورا کر چکے ہیں۔

اگر آپ انہیں پہچاننے میں ناکام ہوگئے ہیں تو چلیں ہم آپ کو بتاتے ہیں تصویر میں موجود بچے وکی کوشل اور سنی کوشل ہیں ۔

بالی ووڈ کی معروف اداکارہ کترینہ کیف کے شوہر وکی کوشل نے سوشل میڈیا پر اپنی اور ہریتھک روشن کی آئیفا ایوارڈز کی ڈانس پرفارمنس کی وائرل ویڈیو شیئر کرتے ہوئے کیپشن میں لکھا کہ ’یہ چھوٹا سا لمحہ ہمیشہ میرے لیے کیوں خاص رہے گا؟ جاننے کے لیے دائیں جانب سوائپ کریں‘۔

وکی کوشل سے محبت کا اظہار کرتے ہوئے ہریتھک روشن نے بھی ان کی پوسٹ پر ردِعمل دیا جس میں انہوں نے لکھا کہ اب تم نے مجھے ایک لمحہ دے دیا ہے جو میں ہمیشہ یاد رکھوں گا۔’