Aaj News

جمعہ, مارچ 29, 2024  
18 Ramadan 1445  

دودھ کے عالمی دن پر عوام کیلئے قیمت میں اضافے کا تحفہ

ابھی بھی دودھ کی لیٹر قیمت 10 روپے کم ہے، صدر ڈیری فارمز ایسوسی ایشن
شائع 01 جون 2023 03:55pm
فوٹو — فائل
فوٹو — فائل

کراچی کے شہریوں کو دودھ کے عالمی دن پر قیمت میں اضافے کا تحفہ دے دیا گیا۔

ڈیری اینڈ کیٹل فارمرز ایسوسی ایشن نے ایک بار پھر تازہ دودھ کی قیمت میں ازخود 10 روپے فی لیٹر اضافہ کردیا، جس کے بعد کراچی کے بعض مقامات پر دودھ کی قیمت 220 روپے فی لیٹر ہوگئی۔

ایک ٹویٹ میں ایسوسی ایشن نے اعلان کیا کہ دودھ کے عالمی دن کے موقع پر کراچی میں دودھ کی قیمتوں میں 10 روپے فی لیٹر کا اضافہ کیا گیا ہے۔

واضح رہے کہ کمشنر کراچی نے دودھ کی فی لیٹر قیمت 180 روپے مقرر کر رکھی ہے، اس کے باوجود شہر میں دودھ 210 روپے فی لیٹر فروخت ہو رہا ہے۔

قیمت میں اضافے کے حوالے سے صدر ڈیری فارمرز ایسوسی ایشن شاکر گجر نے کہا کہ دو روز قبل کمشنر کراچی سے دودھ کی قیمتوں پر بات ہوئی تھی۔

شاکر گجر کا کہنا تھا کہ دودھ کی قیمت کا تخمینہ 220 روپے فی لیٹر سے زیادہ ہے، ابھی بھی اس کی لیٹر قیمت دس روپے کم ہے، لہٰذا فی لیٹر دودھ کی قیمت 230 روپے ہونی چاہیے۔

karachi

Dairy Farmers Association

Dairy Products

Comments are closed on this story.

تبصرے

تبولا

Taboola ads will show in this div