Aaj News

جمعہ, مارچ 29, 2024  
18 Ramadan 1445  

توڑ پھوڑ کیس: عدالت نے یاسمین راشد کو تفتیش میں شامل کروانے کیلئے طلب کرلیا

انسداد دہشتگردی عدالت نے تفتیشی افسر کی درخواست منظور کرلی
شائع 27 مئ 2023 03:08pm
فوٹو۔۔۔۔۔۔۔ فائل
فوٹو۔۔۔۔۔۔۔ فائل

لاہور کی انسداد دہشت گردی عدالت نے سابق وزیراعظم عمران خان گرفتاری پر توڑ پھوڑ کرنے اور تھانہ شادمان کو آگ لگانے کے کیس میں ڈاکٹر یاسمین راشد کو تفتیش میں شامل کروانے کے لیے طلب کرلیا۔

انسدادِ دہشت گردی عدالت لاہور کے جج اعجاز احمد بٹر نے پولیس کی جانب سے یاسمین راشد کو شامل تفتیش کرنے کے لیے جیل سے طلب کرنے کی درخواست پر سماعت کی۔

درخواست میں مؤقف اختیار کیا گیا کہ ملزمہ جناح ہاؤس توڑ پھوڑ کے مقدمہ میں جیل میں ہیں، ملزمہ سے تھانہ شادمان جلاؤ گھراؤ کے مقدمہ کی تفتیش کرنی ہے، ان کی جیل سے طلبی کا حکم جاری کیا جائے۔

ڈاکٹر یاسمین راشد کیخلاف تھانہ شادمان میں مقدمہ درج ہے جبکہ ملزمہ تھانہ سرور روڈ میں درج مقدمے میں جوڈیشل ریمانڈ پر جیل میں ہے۔

عدالت نے تفتیشی افسر کی درخواست منظور کرتے ہوئے 29 مئی کو یاسمین راشد کو عدالت پیش کرنے کی ہدایت کردی۔

pti

ATC

imran khan

lahore

Yasmeen Rashid

Yasmin Rashid

politics may 27 2023

Comments are closed on this story.

تبصرے

تبولا

Taboola ads will show in this div