Aaj News

جمعرات, مارچ 28, 2024  
17 Ramadan 1445  

کوہلی کی ٹیم آئی پی ایل سے باہر: مداح شبمن گل اور فیملی پر برس پڑے

گجرات ٹائٹنز کی جانب سے شبمن گل نے 52 گیندوں پر 104 رنز کی اننگز کھیلی
شائع 22 مئ 2023 03:18pm
فوٹو۔۔۔۔۔ سوشل میڈیا
فوٹو۔۔۔۔۔ سوشل میڈیا

انٹرنیشنل پریمیئر لیگ (آئی پی ایل) میں گجرات ٹائٹنز کی نمائندگی کرنے والے بھارتی کرکٹر شبمن گل اور ان کی بہن شاہنیل گل کے لیے سوشل میڈیا پر نامناسب زبان کا استعمال اور انہیں بدسلوکی کا نشانہ بنایا جارہا ہے۔

رپورٹ کے مطابق آئی پی ایل کا 70 واں اور پہلے راؤنڈ کا آخری میچ گزشتہ روز گجرات ٹائٹنز اور رائل چیلنجرز بنگلور کے درمیان کھیلا گیا جس میں آر سی بی نے پہلے بیٹنگ کرتے ہوئے 197 رنز بنائے، جس میں ویرات کوہلی کی 61 گیندوں پر 101 رنز کی شاندار اننگز شامل تھی۔

کوہلی کی ٹیم کے لیگ سے باہر ہونے پر کوہلی کے مداح سوشل میڈیا پر آپے سے باہر ہوگئے اور آر سی بی کی شکست کی وجہ شبمن گل کو قرار دے دیا۔

کچھ صارفین نے کرکٹرکی بہن شاہنیل گل کو بھی نہ چھوڑا اور شاہنیل کی 4 ہفتے قبل اسٹیڈیم میں لی گئی تصویر پر منفی تبصروں کی لائن لگ گئی۔

گجرات ٹائٹنز کی جانب سے اوپنر شبمن گل نے 52 گیندوں پر دھواں دھار 104 رنز بنا ڈالے اور کپتانی اننگز کھیلنے کے باعث ٹائٹنز کو فتح حاصل ہوئی جبکہ رائل چیلنجرز بنگلور لیگ سے باہر ہوگئی۔

ویرات کوہلی کے مداحوں نے نہ صرف شاہنیل کو نشانہ بنایا بلکہ ان کی پوسٹ پر شبمن کے لیے بھی انتہائی غلط زبان استعمال کی۔

cricket

Bengaluru

ipl 2023

rcb vs gt

shubman gill

shahneel gill

Comments are closed on this story.

تبصرے

تبولا

Taboola ads will show in this div