ایم کیو ایم پاکستان نے وزیراعظم کو یقین دہانی کرائی ہے کہ ان کے ارکان انہیں اعتماد کا ووٹ دیں گے۔

وزیراعظم شہباز شریف سے متحدہ قومی موومنٹ پاکستان کے وفد نے ملاقات کی، وفد میں فاروق ستار، خالد مقبول ،مصطفی کمال اور امین الحق شامل تھے۔

ملاقات میں ملک کی مجموعی سیاسی صورتحال پر بھی تبادلہ خیال کیا گیا جب کہ وزیراعظم کی جانب سے اعتماد کا ووٹ لینے کے معاملے پر غور کیا گیا۔

ایم کیوایم وفد نے وزیراعظم کو مردم شماری پر تحفظات سے آگاہ کیا، جب کہ وزیراعظم کو اعتماد کا ووٹ دینے کی یقین دہانی کرائی۔

واضح رہے کہ ذرائع کا کہنا ہے کہ وزیراعظم شہبازشریف آج اعتماد کا ووٹ لے سکتے ہیں، وزیراعظم ہاؤس نے تمام اتحادی حکومت کے پارلیمانی لیڈران سے رابطہ کرکے آج کے اجلاس میں 180 ممبران کی شرکت یقینی بنانے کی ہدایت کردی ہے۔