Aaj News

جمعہ, مارچ 29, 2024  
18 Ramadan 1445  

اسلام آباد پولیس کی نیوزی لینڈ ٹیم کو سکیورٹی فراہم کرنے سے معذرت

پی سی بی کی جانب سے اخراجات اور وسائل کی فراہمی تک مہمان ٹیم کو سکیورٹی نہیں دے سکتے، پولیس
اپ ڈیٹ 08 اپريل 2023 11:56pm
فوٹو — فائل
فوٹو — فائل

اسلام آباد پولیس نے پاک نیوزی لینڈ سیریز کے دوران مہمان ٹیم کو سکویرٹی فراہم کرنے سے معذرت کرلی ہے۔

پولیس ذرائع کے مطابق اہلکار مردم شماری، مفت آٹا فراہمی اور مسجد پر ڈیوٹیاں دے رہے ہیں جب کہ پی سی بی نے وسائل اور اخراجات بھی فراہم نہیں کیے۔

ذرائع وفاقی پولیس کا کہنا ہے کہ پی سی بی کی جانب سے اخراجات اور وسائل کی فراہمی تک مہمان ٹیم کو سکیورٹی نہیں دے سکتے۔

دوسری جانب ترجمان اسلام آباد پولیس کے مطابق پولیس نے وزات داخلہ سے وسائل کی فراہمی کی درخواست کردی ہے، وسائل کی فراہمی پر مہمان کرکٹ ٹیم کی سکیورٹی کے انتظامات کیے جائیں گے۔

پاک نیوزی لینڈ سیریز کا شیڈول

پاکستان اور نیوزی لینڈ کے درمیان پہلا ٹی ٹوئنٹی 14 اپریل دوسرا ٹی ٹوئنٹی 15 اور تیسرا ٹی ٹوئنٹی 17 اپریل کو لاہور میں ہی کھیلا جائے گا۔

اس کے علاوہ سیریز کا چوتھا ٹی توئنٹی 20 اپریل اور پانچواں ٹی ٹوئنٹی 24 اپریل کو راولپنڈی میں کھیلا جائے گا۔

ٹی 20 کے بعد دونوں ٹیموں کے درمیان پانچ میچز پر مشتمل ون ڈے سیریز کا آغاز ہوگا جس کا پہلا اور دوسرا ون ڈے 27 اور 29 اپریل کو راولپنڈی میں کھیلا جائے گا۔

ون ڈے سیریز کا تیسرا، چوتھا اور پانچواں ون ڈے بالترتیب 3، 5 اور 7 مئی کو کراچی میں کھیلا جائے گا۔

rawalpindi

pak vs nz

PCB

islamabad police

Comments are closed on this story.

تبصرے

تبولا

Taboola ads will show in this div