Aaj News

جمعہ, مارچ 29, 2024  
18 Ramadan 1445  

وزیراعظم نے نئی اسپورٹس پالیسی کی باضابطہ منظوری دے دی

آج نیوز نے منظور شدہ نیشنل اسپورٹس پالیسی کی کاپی حاصل کرلی
شائع 01 اپريل 2023 11:22am
وزیراعظم شہباز شریف
وزیراعظم شہباز شریف

وفاقی حکومت نے نئی اسپورٹس پالیسی کی باضابطہ منظوری دے دی، اسپورٹس پالیسی کے ذریعے کھیلوں کا فروغ اور ترقی ترجیح ہوگی جبکہ کھیلوں کوغیر سیاسی رکھنے کا عزم کیا گیا ہے۔

وزیراعظم شہبازشریف نے نیشنل اسپورٹس پالیسی کی باضابطہ منظوری دی، آج نیوز نے منظور شدہ نیشنل اسپورٹس پالیسی حاصل کرلی۔

اسپورٹس پالیسی کے ذریعے کھیلوں کا فروغ اور ترقی ترجیح ہوگی۔

نئی پالیسی کے مطابق کھیلوں کے اداروں اور اسپورٹس فیڈریشنز کو منظم کیا جاٸے گا، ملک میں کھیلوں کے نظام کی تشکیل نو ہوگی۔

نئی پالیسی میں کہا گیا کہ بین الاقوامی سطح پر تعلقات بہتری کے لٸے اسپورٹس ڈپلومیسی کی جائے گی، پاکستان اسپورٹس بورڈ کو منظور شدہ نٸے آٸین کے تحت چلایا جائے گا، مختلف کھیلوں کے ایلیٹ کھلاڑیوں کا پول تیار کیا جائے گا، کھیلوں کو غیر سیاسی رکھا جاٸے گا۔

پالیسی کے تحت اسپورٹس یونیورسٹی قاٸم کی جائے گی، آخری بار اسپورٹس پالیسی 2005 میں منظور کی گٸی تھی۔

اسلام آباد

PM Shehbaz Sharif

new sports policy

official approval

Comments are closed on this story.

تبصرے

تبولا

Taboola ads will show in this div