Aaj News

ممنوعہ فنڈنگ کیس : پی ٹی آئی کی درخواست پر الیکشن کمیشن کو نوٹس جاری

الیکشن کمیشن سے 31 مارچ تک رپورٹ طلب کرلی گئی
شائع 28 مارچ 2023 04:36pm

اسلام آباد ہائی کورٹ نے ممنوعہ فنڈنگ کیس میں پی ٹی آئی کی درخواست پر الیکشن کمیشن کو نوٹس جاری کردیئے۔

اسلام آباد ہائی کورٹ میں ممنوعہ فنڈنگ کیس شوکاز نوٹس کی کارروائی میں دفاع کا مناسب موقع نہ دئیے جانے سے متعلق پی ٹی آئی کی درخواست پر سماعت ہوئی۔

اسلام آباد ہائی کورٹ کے جسٹس بابر ستار نے کیس کی سماعت کی، جب کہ پی ٹی آئی کی جانب سے وکیل انور منصور عدالت میں پیش ہوئے۔

وکیل درخواست گزار نے عدالت میں مؤقف پیش کیا کہ عدالتی احکامات کے باوجود الیکشن کمیشن کی طرف سے مؤقف بیان کرنے کا موقع نہیں دیا گیا، الیکشن کمیشن کا 22 مارچ 2023 کا فیصلہ کالعدم قرار دیا جائے۔

عدالت نے تحریک انصاف کی درخواست پر الیکشن کمیشن کو نوٹس جاری کرتے ہوئے 31 مارچ تک رپورٹ طلب کر لی۔

ECP

foreign funding case

Islamabad High Court

politics march 28 2023

Comments are closed on this story.

مقبول ترین