Aaj News

جمعرات, مارچ 28, 2024  
17 Ramadan 1445  

حکمران عمران خان پر قاتلانہ حملہ کروانا چاہتے ہیں، فواد چوہدری

عمران خان عدالتوں میں پیش ہونا چاہتے ہیں لیکن ان کی جان کو خطرہ ہے، پی ٹی آئی رہنما
شائع 16 مارچ 2023 11:45am
فوٹو۔۔۔۔۔۔ اسکرین گریب
فوٹو۔۔۔۔۔۔ اسکرین گریب

پاکستان تحریک انصاف کے رہنما فواد چوہدری کا کہنا ہے کہ حکمران عمران خان پر قاتلانہ حملہ کروانا چاہتے ہیں، شہبازشریف نوازشریف کو فرار کروانے میں ملوث ہیں۔

لاہور میں میڈیا سے گفتگو کرتے ہوئے سابق وفاقی وزیر فواد چوہدری نے کہا کہ حکمرانوں نے پیٹرول کی قیمت میں 5 روپے کا اضافہ کردیا، عالمی منڈی میں پیٹرول کم ترین قیمت پر ہے۔

فواد چوہدری نے حکومت پر تنقید کرتے ہوئے کہا کہ پی ٹی آئی انتظامیہ کے ساتھ بات چیت کرنے کو تیار ہے، عمران خان کی گرفتاری کا مقصد حکومتی معاملات سے توجہ ہٹانا ہے، سپریم کورٹ کے احکامات کو ردی کی طرح ٹریٹ کیا جارہا ہے۔

پی ٹی آئی رہنما نے کہا کہ عمران خان عدالتوں میں پیش ہونا چاہتے ہیں لیکن ان کی جان کو خطرہ ہے، اسی لیے ویڈیو لنک کی درخواست کی، عمران خان 4 عدالتوں میں پیش ہوئے تھے، ان پر ایف ایٹ میں حملے کی اطلاع تھی، ویڈیولنک کے ذریعے ان کی پیشی کے لئے عدالت میں درخواست دے رکھی ہے۔

انہوں نے مزید کہا کہ حکومت نہ عدالتی فیصلوں کا احترام کرتی ہے، نہ اسے آئین کی پروا ہے، حکومت نے عوام کو مہنگائی کی چکی میں دھکیل دیا ہے۔

فواد چوہدری کا کہنا تھا کہ حکمران الیکشن نہ کروانے کے بہانے ڈھونڈ رہے ہیں، ملک میں انسانی اور سیاسی حقوق معطل ہوچکے ہیں، تحریک انصاف امن وامان خراب کرنا نہیں چاہتی۔

فواد چوہدری نے کہا کہ حکمران عمران خان پر قاتلانہ حملہ کروانا چاہتے ہیں، شہبازشریف نوازشریف کو فرار کروانے میں ملوث ہیں، میں نے پہلے بھی نوازشریف کو بھیجنے کی مخالفت کی تھی۔

عدالت نے آپریشن روکنے کے احکامات پر کل تک توسیع کردی، فواد چوہدری

دوسری جانب تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں کہا کہ لاہور ہائیکورٹ نے زمان پارک پر آپریشن کو روکنے کے احکامات پر کل تک توسیع کر دی ہے۔

انہوں نے مزید کہا کہ چیف سیکرٹری اور آئی جی کو کہا ہے کہ تحریک انصاف کی قیادت کے ساتھ بیٹھ کر ان معاملات کو باہمی مشاورت سے طے کریں۔

pti

petrol price

Lahore High Court

Fawad Chaudhary

zaman park

Political March 16 2023

Zaman Park March 16 2023

Comments are closed on this story.

تبصرے

تبولا

Taboola ads will show in this div