Aaj News

جمعرات, مارچ 28, 2024  
17 Ramadan 1445  

کارکن زمان پارک نہ لانے والوں کو ٹکٹ نہیں ملے گا، ایک اور آڈیو لیک

عمران خان کہہ رہے زمان پارک کارکن لائیں، مبینہ آڈیو
اپ ڈیٹ 15 مارچ 2023 02:57pm

پی ٹی آئی کے رہنما یاسمین راش اور اعجاز شاہ کی مبینہ آڈیو لیک میں کہا جارہا ہے کہ جو زمان پارک میں کارکن نہیں لائے گا اسے ٹکٹ نہیں دیا جائے گا۔

تحریک انصاف کی رہنما اور سابق صوبائی وزیر یاسمین راشد کی ایک اور مبینہ آڈیو لیک سامنے آگئی ہے، جس میں وہ سابق وزیرداخلہ اعجاز شاہ کو ہدایت دے رہی ہیں کہ کارکنان کو زمان پارک لے کر آئیں۔

مبینہ آڈیو میں یاسمین راشد کہہ رہی ہیں کہ میں نے عمران خان سے بات کرلی ہے، اور وہ کہہ رہے زمان پارک کارکن لائیں، جو کارکن نہیں لائے گا اسے ٹکٹ نہیں دوں گا۔

اس سے قبل یاسمین راشد کی سابق سی سی پی او لاہور غلام محمود ڈوگر سے بات کرنے کی آڈیو لیک ہوئی تھی، جس میں سنا جاسکتا ہے کہ یاسمین راشد غلام محمود ڈوگر سے عدالتی فیصلے کے حوالے سے اچھی خبر کے بارے میں معلوم کررہی ہیں اور انہیں بتارہی ہیں کہ خان صاحب کو اس حوالے سے تشویش ہے۔

سپریم کورٹ سے بحال شدہ لاہور پولیس چیف ڈوگر کی آڈیو لیک

یاسمین راشد نے کہا کہ کوئی اچھی خبر بتائیں آرڈر ہوگئے، جس پر سی سی پی اولاہورغلام محمود ڈوگر نے کہا کہ نہیں ابھی تک نہیں ملے آرڈر، تو یاسمن راشد کہتی ہیں ارادہ کیا ہے۔

غلام محمود ڈوگر نے کہا کہ نہیں نہیں وہ تو سپریم کورٹ سے آرڈر ہونے ہیں وہ تو جیسے ہوں گے مل جائیں گے ہمارے بندے بیٹھے ہوئے ہیں، وہ ڈاک ساتھ جاتی ہےنہ جج صاحبان دستخط کرتے ہیں، جس کے جواب میں یاسمین راشد کہتی ہیں اچھا ہے۔

غلام محمود ڈوگر نے مزید کہا وہ کورٹ ٹائم پر تو نہیں کرتے کورٹ ٹائم کے بعد کرتے ہیں اس کے بعد یاسمین راشد نے کہا کہ اچھا وہ خان صاحب کافی کنسرن تھے، میری خبر کے مطابق ان کو ابھی تک نہیں ملے ہیں، توغلام محمود ڈوگر نے کہا کہ ابھی تک نہیں وہ آجائیں گے رات کو، ڈاک دستخط ہو کرآجاتی ہوتی ہے۔

یاسمین راشد نے غلام محمود ڈوگرسے پوچھا کہ رات خاموشی سے گذر جائے گی ہماری؟ ویسے ہی پوچھ رہی ہوں جس انہوں نے جواب دیا کے اللہ خیر کرے، تو یاسمین راشد کہتی ہیں میں نے مشکل سوال ڈال دیا آپ کے آتے ساتھ ہی، توغلام محمود ڈوگر کہتے ہیں اللہ تعالی کرم کرے۔

pti

Yasmin Rashid

Audio leaks

Zaman Park March 15 2023

Comments are closed on this story.

تبصرے

تبولا

Taboola ads will show in this div