Aaj News

جمعہ, مارچ 29, 2024  
18 Ramadan 1445  

عمران خان پر ہاتھ ڈالنے والے نتیجے سے بھی باخبر رہیں، شیخ رشید

امریکا سے خیرات کن شرائط پر ملیں گی قوم کو اعتماد میں لینا ہوگا، سابق وفاقی وزیر
شائع 14 مارچ 2023 10:19am
فوٹو۔۔۔۔۔ بی بی سی
فوٹو۔۔۔۔۔ بی بی سی

سابق وزیرداخلہ شیخ رشید کا کہنا ہے کہ عمران خان پر ہاتھ ڈالنے والے اُس کے نتیجے سے بھی باخبر رہیں۔

سماجی رابطے کی ویب سائٹ ٹوئٹر پر اپنے ٹویٹ میں شیخ رشید نے کہا کہ آئی ایم ایف کے معاہدے میں بھی تاخیر ہوگئی، 30 مارچ تک بورڈ شیڈول میں پاکستان شامل نہیں، 7 ارب ڈالر کی بیرونی فنانسنگ کی توثیق مسئلہ ہے۔

انہوں نے کہا کہ امریکا سے خیرات کن شرائط پر ملیں گی قوم کو اعتماد میں لینا ہوگا، آئین کی حکمرانی نہ ہوئی تو خانہ جنگی ہوگی، ہم قطر اور یو این میں سیکیورٹی دے سکتے ہیں تو پاکستان میں کیوں نہیں۔

شیخ رشید نے اپنے ٹویٹ میں مزید کہا کہ لاہور کی ریلی نے حق ادا کردیا، مینار پاکستان میں عدلیہ سے یکجہتی کا اظہار ہوگا، عمران خان پر ہاتھ ڈالنے والے اُس کے نتیجے سے بھی باخبر رہیں۔

عوامی مسلم لیگ کے سربراہ کا کہنا تھا کہ پی ڈی ایم ٹوٹ چکی ہے، اس کی 4 بڑی پارٹیاں ن لیگ، پی پی پی، اے این پی اور جمعیت الحدیث اپنے الگ نشان پر الیکشن لڑرہی ہیں، جو آئین کی حکم عدولی کرے گا وہ آرٹیکل 6 کی زد میں آئے گا، 90 دن فیصلہ کن ہیں۔

PDM

Sheikh Rasheed

اسلام آباد

imran khan

Awami Muslim League

Comments are closed on this story.

تبصرے

تبولا

Taboola ads will show in this div