Aaj News

جمعہ, مارچ 29, 2024  
18 Ramadan 1445  

کچے کے ڈاکوؤں سے مقابلے کے لئے 2 ارب 70 کروڑ کا ملٹری گریڈ اسلحہ خریدا جائے گا

سندھ کابینہ نے فنڈز منظور کرکے اسلحہ خریدنے کی منظوری دے دی
شائع 09 مارچ 2023 02:37pm

سندھ کابینہ نے کچے کے ڈاکوؤں سے مقابلے کے لئے 2 ارب 70 کروڑ روپے کا ملٹری گریڈ اسلحہ خریدنے کی منظوی دے دی۔

وزیر اعلی سندھ مراد علی شاہ کی زیرصدارت صوبائی کابینہ کا اجلاس ہوا، جس میں سیکریٹری داخلہ اور آئی جی پولیس نے کابینہ کو بریفنگ دی، اور بتایا کہ کچے کے علاقے میں پولیس کو ملٹری گریڈ کے اسلحہ کی ضرورت ہے، اور اس کی خریداری میں 2 ارب 70 کروڑ روپے کی لاگت آئے گی۔

وفاقی کابینہ نے ڈاکوؤں کے خلاف آپریشن اور اسلحہ خریدنے کے لئے فنڈز کی منظوری دے دی، اور کہا کہ ڈاکوؤں کے خلاف کچے میں مشترکہ آپریشن ہوگا، اور اس میں پولیس کے ساتھ رینجرز اور فوج بھی حصہ لے گی۔

وزیراعلیٰ سندھ مراد علی شاہ کا کہنا تھا کہ سندھ حکومت اسلحہ کی خریداری کیلئے وزارت داخلہ سے این او سی لے گی، اور ڈاکوؤں کے خلاف مشترکہ اور پری پلان آپریشن ہوگا، آپریشن آئی جی پولیس اپنی منصوبہ بندی سےشروع کریں گے۔

Sindh Police

Comments are closed on this story.

تبصرے

تبولا

Taboola ads will show in this div