سعودی وزارت حج و عمرہ کے سیکرٹری کا کہنا ہے کہ رواں برس رمضان المبارک میں عمرہ زائرین کی تعداد 90 لاکھ تک پہنچ سکتی ہے۔

سیکرٹری عمرو المداح کا کہنا ہے کہ بیرون مملکت سے سب سے زیادہ عمرہ زائرین رمضان المبارک میں آتے ہیں بعض غیرملکی ٹریول ایجنسیاں عمرہ پیکج حد سے زیادہ مہنگا کر رہی ہیں، جو مناسب نہیں جس کا ہم جائزہ بھی لے رہے ہیں۔

انہوں نے کہا کہ بزنس، سیاحت، فیملی اور دیگر ویزوں پر آنے والوں کو عمرہ کی سہولت دی گئی ہے، ویزوں کے حصول میں آسانی کے باعث عمرہ زائرین بڑی تعداد میں پہنچ رہے ہیں

مزید کہا کہ سعودی حکام رمضان میں عمرہ سیزن کےلیے مکہ مکرمہ اور مدینہ منورہ میں تمام ضروری انتظامات مکمل کرچکے ہیں۔