Aaj News

جمعہ, مارچ 29, 2024  
18 Ramadan 1445  

گورنر پنجاب بلیغ الرحمان سے چیئرمین سینیٹ صادق سنجرانی کی ملاقات

بلوچستان میں امن و امان اور موجودہ سیاسی صورتحال پر بات چیت
شائع 25 فروری 2023 11:00am
فوٹو۔۔۔ فائل
فوٹو۔۔۔ فائل

گورنر پنجاب بلیغ الرحمان سے لاہور میں چیئرمین سینیٹ صادق سنجرانی کی ملاقات ہوئی ہے۔

گورنر پنجاب سے چیئرمین سینیٹ نے گورنر ہاؤس لاہور میں ملاقات کی، جس میں بلوچستان میں امن و امان اور موجودہ سیاسی صورتحال پر بات چیت کی گئی۔

گورنر پنجاب کا کہنا تھا کہ معاشی مشکلات کے تناظر میں تمام سیاسی جماعتوں کو ملک کے استحکام کے لئے متحد ہونے کی ضرورت ہے، ملک میں استحکام، عوام کی فلاح و بہبود اور اچھے کاموں کی حوصلہ افزائی ترجیح ہے۔ آئین اور قانون کی بالادستی میں ہی ملک کی بہتری ہے۔ وفاق کی مضبوطی کے لیے تمام اکائیوں کی یکساں ترقی بہت ضروری ہے۔

بلیغ الرحمان نے مزید کہا کہ بلوچستان سمیت مختلف علاقوں سے طلباء کے کئی وفود گورنر ہاؤس پنجاب کا دورہ کر چکے ہیں، اچھے کاموں کی حوصلہ افزائی کے لیے گورنر ہاؤس کے دروازے کھلے ہیں۔

اس موقع پر چیئرمین سینیٹ صادق سنجرانی نے کہا کہ ایوان بالا عوامی فلاح کے لئے مؤثر قانون سازی کر رہا ہے۔

lahore

sadiq sinjrani

chairman senate

governor punjab

baligh ur rehman

Comments are closed on this story.

تبصرے

تبولا

Taboola ads will show in this div