پاکستان تحریک انصاف (پی ٹی آئی) کراچی نے عمران خان کی ممکنہ گرفتاری پر احتجاج کی دھمکی دے دی۔

پی ٹی آئی کراچی کے صدر آفتاب صدیقی کی سربراہی میں اجلاس ہوا، جس میں ارکان سندھ اسمبلی خرم شیرزمان،راجہ اظہر، شہزاد قریشی، ادیبہ حسن، رانا ذکی، عدنان صدیقی نومنتخب بلدیاتی نمائندوں سمیت پارٹی رہنماؤں نے بھی شرکت کی۔

مزید پڑھیں: پی ٹی آئی کو عمران خان کی گرفتاری کا خدشہ

آفتاب صدیقی کا کہنا تھا کہ غیر آئینی دروازے استعمال کرکے اقتدار میں ڈرامے باز بیٹھے ہیں، یہ ڈرامے باز ملک میں بدترین مہنگائی کرکے خود سرکاری تنخواہ پر عیاشیاں کررہے ہیں۔

انہوں نے کہاکہ موجودہ حکمران غیرآئینی راستے سے قوم پرمسلط ہیں، حکمرانوں کی دلچسپی مہنگائی ختم کرنے کے بجائے عمران خان کو گرفتار کرنے میں ہے، حکومت کی غریب مٹاؤ مہم کسی صورت پر برداشت نہیں ہوگی۔

مزید پڑھین: عمران خان کی گرفتاری آئین اور قانون کے تحت ہوگی، رانا ثنا اللہ