Aaj News

جمعہ, مارچ 29, 2024  
19 Ramadan 1445  

سی سی پی او لاہور غلام محمود ڈوگر کی بحالی کا تحریری حکم نامہ جاری

غلام محمود ڈوگر کی ٹرانسفر عدالت کے 2 دسمبر کے حکم کی خلاف ورزی ہے، سپریم کورٹ
شائع 23 فروری 2023 12:52pm

سپریم کورٹ نے سی سی پی او لاہور غلام محمود ڈوگر کی بحالی کا تحریری حکم نامہ جاری کر دیا۔

سپریم کورٹ نے17 فروری کو سابق سی سی پی او لاہور غلام محمود ڈوگرکی بحالی کا حکم سنایا تھا، اب سپریم کورٹ نے غلام محمود ڈوگر کی بحالی کاحکم نامہ جاری کردیا ہے۔

عدالت نے اپنے تحریری حکمنامے میں لکھا ہے کہ حقائق کے جائزے کے بعد واضح ہے کہ غلام محمود ڈوگرٹرانسفرکی منظوری زبانی طور پر حاصل کی گئی، اور زبانی منظوری کے بعد تحریری طور پر الیکشن کمیشن سےاجازت حاصل کی گئی۔

حکمنامے میں کہا گیا ہے کہ بادی النظر میں غلام محمود ڈوگر کی ٹرانسفر سپریم کورٹ کے 2 دسمبر کے حکم کی خلاف ورزی ہے، سی سی پی او لاہور کا معاملہ پہلے سے سپریم کورٹ میں زیر سماعت تھا، ایسے میں غلام محمود ڈوگر کی ٹرانسفر کیلئے دیا گیا 23 جنوری کا حکم برقرار نہیں رکھا جاسکتا۔

عدالت نے اپنے حکمنامے میں کہا ہے کہ غلام محمود ڈوگر کی ٹرانسفر کا 23 جنوری کا حکم معطل کیا جاتا ہے، غلام محمود ڈوگر کے کیس کی آئندہ سماعت پولیس ٹرانسفر پوسٹنگ کیس کے ساتھ کی جائے۔

ccpo lahore

Supreme Court of Pakistan

Comments are closed on this story.

تبصرے

تبولا

Taboola ads will show in this div