شمالی وزیرستان کےعلاقے اسپن وام میں سکیورٹی فورسز اور دہشتگردوں کے درمیان جھڑپ ہوئی، فائرنگ کے شدید تبادلہ کے دوران ایک دہشت گرد مارا گیا۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے اسپن وام میں سکیورٹی فورسز اور دہشت گردوں کے درمیان جھڑپ ہوئی، اس موقع پر ہونے والے شدید فائرنگ کے تبادلے میں ایک دہشت گرد مارا گیا۔

آئی ایس پی آر کے مطابق ہلاک دہشت گرد سکورٹی فورسز اور شہریوں کے خلاف دہشت گردی کی کارروائیوں میں ملوث تھا۔

انٹر سروسز پبلک ریلیشنز کے مطابق مقامی قبائلیوں نے علاقے سے دہشت گردی کی لعنت کے خاتمے کے لئے بھرپور تعاون کا عزم کیا ہے۔