Aaj News

جمعہ, مارچ 29, 2024  
18 Ramadan 1445  

پی ٹی آئی رہنما اسد عمر کی حاضری سے استثنیٰ کی درخواست منظور

عدالت نے 27 فروری تک فریقین سے جواب طلب کرلیا
شائع 21 فروری 2023 11:02am
فوٹو۔۔۔۔۔۔ فیس بک
فوٹو۔۔۔۔۔۔ فیس بک

اسلام آباد کی انسداد دہشت گردی عدالت نے توشہ خانہ ریفرنس کے خلاف احتجاج کے کیس میں اسد عمر کی حاضری سے استثنیٰ کی درخواست منظور کرتے ہوئے 27 فروری تک فریقین سے جواب طلب کرلیا۔

انسدادِ دشتگردی عدالت کے جج راجہ جواد حسن عباس نے الیکشن کمیشن کے توشہ خانہ کیس کے فیصلے کے خلاف احتجاج پر درج مقدمے سے متعلق کیس کی سماعت کی۔ پی ٹی آئی رہنما علی نواز اعوان اور راجہ خرم عدالت میں پیش ہوئے۔

پی ٹی آئی رہنماؤں نے دہشت گردی کی دفعات حذف کرنے کے لئے درخواست دائر کی۔

عدالت نے اسد عمر کی حاضری سے استثنیٰ کی درخواست منظور کرلی اور آئندہ سماعت تک جواب طلب کرتے ہوئے کیس کی سماعت 27 فروری تک ملتوی کردی۔

میڈیا سے گفتگو کرتے ہوئے علی نواز اعوان نے کہاکہ تحریک انصاف کے نمائندوں کو حق کے لئے آواز اٹھانے پر گرفتار کرلیا جاتا ہے۔ آج ہم نے معزز عدالت سے درخواست کی ہے کہ فیک کیس کو ختم کیا جائے۔

انہوں نے مزید کہاکہ موجودہ حکومت کا الیکشن کروانے کا یہ ارادہ نہیں یہ معاملہ آخرکار سپریم کورٹ کے پاس جائے گا۔

pti

ATC

اسلام آباد

Asad Umer

tosha khana case

Comments are closed on this story.

تبصرے

تبولا

Taboola ads will show in this div