وزیرخزانہ اسحاق ڈار نے کابینہ کی اقتصادی رابطہ کمیٹی کا اجلاس آج طلب کرلیا۔

اقتصادی رابطہ کمیٹی کے اجلاس میں 10 نکاتی ایجنڈے پرغور کیا جائے گا۔

ذرائع کے مطابق پیراسیٹامول کی ری ٹیل پرائس میں اضافے کی منظوری کا امکان ہے۔

18 نئی دواؤں کی قیمتوں کے تعین پر غور کیا جائے گا جبکہ قیمتوں میں اضافے کی سفارش ڈرگ پرائسنگ کمیٹی نے کی ہے۔

ہارڈ شپ کیٹگری میں 4 ادویات کی قیمتوں میں اضافے کا امکان ہے، 20 ادویات کی قیمتوں میں کمی کی سمری پر بھی غور کیا جائے گا۔

اجلاس میں کامیاب پاکستان پروگرام کی منظوری متوقع ہے، وزیراعظم آفس کے لئے تکنیکی ضمنی گرانٹ کی منظوری دی جائے گی۔

گلگت بلتستان کے لئے گندم پر سبسڈی کا معاملہ ایجنڈے میں شامل ہے۔