Aaj News

جمعہ, مارچ 29, 2024  
18 Ramadan 1445  

وزیراعظم کا ترک عوام سے اظہار یکجہتی کیلئے ترکیہ کے دورے کا امکان

شہباز شریف ایک سے 2 روز میں ترکیہ روانہ ہوں گے، ذرائع
شائع 06 فروری 2023 06:41pm
وزیراعظم کا گزشتہ دورہ ترکیہ۔ فوٹو — ڈیلی صباء
وزیراعظم کا گزشتہ دورہ ترکیہ۔ فوٹو — ڈیلی صباء

وزیراعظم شہباز شریف کا خوفناک زلزے سے متاثر ترک عوام سے اظہار یکجہتی کے لئے ترکیہ کے دورے کا امکان ہے۔

ذرائع کے مطابق وزیراعظم کے دورہ ترکیہ کو حتمی شکل دے دی گئی ہے اور وہ ایک سے 2 روز میں ترکیہ روانہ ہوں گے۔

ذرائع کا کہنا ہے کہ زلزلے سے ترک شہر گازانٹیپ اور اڈانا شدید متاثر ہوئے، لہٰذا شہباز شریف اڈانا اور ترک دارالحکومت انقرہ کا دورہ کریں گے جب کہ ترک صدر طیب اردگان بھی اڈانا پہنچیں گے۔

واضح رہے کہ ترکیہ میں شدید زلزلے کے باعث کئی عمارتیں لرز اٹھیں جس کے نیتجے میں 912 افراد جاں بحق جب کہ شام میں 386 افراد لقمہ اجل بن گئے۔

زلزلے سے ترکیہ میں 912 افراد جاں بحق اور 5,380 زخمی ہوئے ہیں جبکہ 2,470 افراد کو ملبے تلے سے بچا لیا گیا۔

ترک صدر کے مطابق زلزلے سے 2,818 عمارتیں منہدم ہوئیں اور تمام متاثرہ علاقوں میں امدادی کارروائیاں جاری ہیں۔

ترکیہ 16سالہ تاریخ کے ہولناک زلزلے سے لرز اٹھا ہے، جس کے باعث ترک شہر ادیمان ،عثمانیہ ،مالتیہ سمیت متعدد شہروں میں عمارتیں لمحوں میں زمین بوس ہوگئیں۔

Shehbaz Sharif

earthquake

Ankara

turkiye

tayyab erdogan

Comments are closed on this story.

تبصرے

تبولا

Taboola ads will show in this div