Aaj News

جمعہ, مارچ 29, 2024  
18 Ramadan 1445  

’ایک ہی خاندان سندھ اسمبلی میں بٹھادیا‘ گریڈ 20 میں 5 تقرریوں کا ریکارڈ طلب

سندھ ہائیکورٹ کا سیکرٹری اسمبلی سمیت 5 تقرریوں پر اظہارحیرت
اپ ڈیٹ 03 فروری 2023 02:16pm
ایک ہی خاندان کے5 لوگوں کو20 گریڈ میں بھرتی کردیا گیا،عدالت - تصویر: اے ایف پی/فائل
ایک ہی خاندان کے5 لوگوں کو20 گریڈ میں بھرتی کردیا گیا،عدالت - تصویر: اے ایف پی/فائل

سندھ اسمبلی میں ایک ہی خاندان کے سیکریٹری سمیت 5 افراد کی تقرری پرعدالت بھی حیران ہوگئی۔

سندھ ہائیکورٹ میں سندھ اسمبلی میں ایک ہی خاندان کے پانچ افراد کی گریڈ 20 میں تقرریوں کے خلاف سماعت ہوئی۔

سیکریٹری اسمبلی سمیت ایک ہی خاندان پانچ افراد کی تقرری پرحیرانگی کا اظہارکرتے ہوئے جسٹس اقبال کلہوڑو ریمارکس دیئے یہ کیا بات ہوئی پورے خاندان کو سندھ اسمبلی میں بٹھا دیا۔

جسٹس عدنان کریم نے کہا کہ یہاں لوگوں کو آسانی سے نائب قاصد کی نوکری نہیں ملتی ہے۔

عدالت نے ریمارکس میں کہا کہ کبھی سنا ہے آپ نے کے ایک ہی خاندان کے 5 لوگوں کو ایک ہی جگہ بھرتی کیا گیا ہو؟ جس پروکیل درخواست گزار نے کہا کہ سندھ اسمبلی کے ایڈیشنل سیکرٹری محمد خان رند نے عدالت میں رپورٹ جمع کرادی ہے۔

انہوں نے مزید کہا کہ اسپیکر سندھ اسمبلی آغا سراج درانی نے حقائق پر مبنی رپورٹ جمع کرانے پر محمد خان رند کو عہدے سے ہٹادیا، ایڈیشنل سیکرٹری نے رپورٹ میں بھرتیوں کو خلاف ضابطہ قرار دیا تھا۔

وکیل سندھ حکومت نے کہا کہ ایڈیشنل سیکرٹری محمد خان نے اجازت کے بغیر عدالت میں جواب جمع کرایا، جبکہ ایڈیشنل ایڈووکیٹ جنرل نے کہا کہ ہمیں جواب جمع کرانے کے لئے مہلت دی جائے۔

عدالت نے کہا کہ ہم آپ کو آخری موقع دے رہے ہیں، آئندہ سماعت پر جواب جمع کرائیں، جواب جمع نہیں کرایا گیا تو قانون کے مطابق کارروائی کریں گے۔

عدالت نے درخواست کی سماعت 15 فروری تک ملتوی کردی

Sindh government

Sindh Assembly

Comments are closed on this story.

تبصرے

تبولا

Taboola ads will show in this div